Bayern me gjashtë mungesa kundër Barcelonës
Bayern Munich do t’i ketë gjashtë mungesa për ndeshjen e parë kundër Barcelonës në gjysmëfinale të Ligës së Kampionëve.
Sport
Bayern Munich do të jetë edhe pa mesfushorin Sebastian Rode në ndeshjen e parë kundër Barcelonës në gjysmëfinale të Ligës së Kampionëve.
24-vjeçari mungoi në humbjen nga Bayer Leverkusen në fundjavë për shkak të një problemi muskulor.
Por, Bayern kishte shpresuar që ai do të rikuperohet për duelin me katalanët.
Mirëpo, kampioni i Bundesligës ka njoftuar se Rode nuk është i ftuar në ekip për udhëtimin në Barcelonë.
Rode i bashkohet të tjerëve si Arjen Robben, Franck Ribery, David Alaba, Holger Badstuber e Tom Starke në mesin e të lënduarve.