Bashkërendohen aktivitetet për projektin e vendosjes së matësve të energjisë – Lajmi.net
Bashkërendohen aktivitetet për projektin e vendosjes së matësve të energjisë
Autori: Lajmi.net EkonomiLajme 15:07, 29 August 2017
Kryeshefi Ekzekutiv i "Termokos" Naser Canolli me menaxhmentin e ndërmarrjes, ka pritur sot përfaqësuesit e Korporatës amerikane Sfidat e Mijëvjeçarit - MCC (Millenium Challenge Corporation), Thomas P.Schehl dhe David F. McGill si dhe përfaqësuesit e Zyrës kombëtare të MCC-së, Alban Zogaj, Edona Kurtolli, Burim Hashani dhe Kastriot Orana.

Në këtë takim u bisedua lidhur me ecurinë e përgatitjeve për fillimin e zbatimit të projektit për instalimin e matësve të energjisë termike, projekt ky i financuar nga MCC. Palët në këtë takim u dakorduan, që ekipet e ekspertëve nga të dyja palët të vazhdojnë angazhimet e përbashkëta për dizajnimin e përgatitjeve për fillimin e realizimit të këtij projekti.

 Përfaqësuesit e MCC-së janë ndarë të kënaqur me bashkëpunimin e deritanishëm me menaxhmentin e “Termokos”-it sa i përket koordinimit për realizimin e këtij projekti.

 Në kuadër të këtij projekti do të vendosen matësit e energjisë termike tek të gjithë konsumatorët e NP “Termokos” SH.A, gjë që do të ndikojë në efiçencën  energjisë termike si dhe në përmirësimin e mirëqenies ekonomike të konsumatorëve tanë.

 Projekti për instalimin e matësve të energjisë termike në vlerën e afro 10.9 milion dollarëve, është një nga projektet, ku do të orientohet fondi 49 milionë dollarësh, që MCC-ja e ka miratuar për të financuar projekte në fusha të ndryshme në Kosovë./Lajmi.net/

Fotolajm

‘’Në makinë, ka njerëz që nuk do të takohen kurrë më!’’
?>

ke nje LAJM

Jeni në vend të ngjarjes, apo dëshironi ta ndani ndonjë storie me të tjerët?

Klikoni në butonin më poshtë

DËRGO
 

Lojëra

  • Play Bow Master
  • Play iStunt 2
  • Play Berry Rush
  • Play Stealth Sniper