Sipas tabloidit britanik “Daily Express”, sulmuesi i Barcelonës, Pedro, së shpejti mund të transferohet në Premierligë.

Largimi i Alexis Sanchezit për në Arsenal nuk i ka ndihmuar aspak Pedros që të shtojë minutazhin në ekip, e konsideruar se Luis Suarez ende nuk është në dispozicion për shkak të dënimit, atëherë kjo sinjalizon përfundimin e aventurës së tij në Camp Nou.

Në mesin e klubeve të interesuara për transferimin e tij përmenden Liverpool, Manchester United dhe Arsenal. Pedro ka kontratë me Barcelonën deri në vitin 2016 me dëmshpërblim marramendës prej 115 milionë funte.

Mirëpo, largimi i tij pritet të kushtojë rreth 25 milionë euro. Së bashku me të në Premierligë pritet të luajë edhe Dani Alves.