Barcelona kërkon hakmarrje
Barcelona do të jetë në mision të hakmarrjes në duel me Bayern Munichun në gjysmëfinale të Ligës së Kampionëve.
Sport
Barcelona dhe Bayern Munich do të ndeshen mes vete për herë të katërt në fazën eliminatore të një gare evropiane, dhe të tretën në Ligën e Kampionëve.
Ballafaqimi i fundit mes skuadrave ishte në edicionin 2012-13, e që nuk është aspak i mirë për t’u kujtuar nga gjiganti katalan.
Bayern i mposhti në Allianz Arena me rezultat 4:0, si dhe në Camp Nou me 3:0, për total prej 7:0, debakël i vërtetë.
Ai ishte edicioni prej më të vështirëve i viteve të fundit për Barcelonën, ku Tito Vilanova u desh të luftonte me kancerin kurse Jordi Roura e zëvendësoi deri në fund të sezonit.
Andaj, Barcelona kërkon hakmarrje, shkruan e përditshmja sportive katalane “Mundo Deportivo”.