Barcelona, ëndrra ime
Ivan Rakitic ka filluar të flet si futbollist i Barcelonës. Mesfushori katalan ka thënë se është shumë i lumtur për realizimin e ëndrrës së transferimit në Camp Nou.
Sport
Ivan Rakitic tashmë mund të konsiderohet si futbollist i ri i Barcelonës.
Marrëveshja për transferimin e mesfushorit të Sevillas në Camp Nou është në prag të zyrtarizimit dhe konfirmimi vjen nga ylli kroat i cili ka shprehur gëzimin e tij që do t’i bashkohet gjigantit katalan.
“Barcelona? Jam shumë i lumtur. Është një ëndërr që është bërë realitet”, deklaroi Rakitic për portalin e të përditshmes sportive katalane Sport.es.
Rakitic do të jetë futbollisti i cili pritet të zë vendin e Cesc Fabregasit që duket se do të përfundojë në shitje gjatë këtij afati kalimtar të verës.
Kurse, Rakitic i cili shkëlqeu në edicionin e kaluar duke inspiruar Sevillan drejt triumfit në Europa League, mezi pret të fillojë aventurën e re.