Balotelli në Liverpool, transferim ilegal?
Transferimi i Mario Balotellit nga Milan në Liverpool është ilegal, nëse janë të vërteta njoftimet e publikuara nga portali “Bleacher Report”.
Sport
Në orët e fundit është publikuar një lajm bombastik që në rast se konfirmohet do të jetë i jashtëzakonshëm.
Sipas portalit “Bleacher Report”, Liverpool nuk e pagoi transferimin e Mario Balotellit nga Milan, por ishte menaxheri i tij, Mino Raiola, ai që e bleu futbollistin dhe e huazoi atë tek Reds.
Skadimi i periudhës së huazimit thuhet se është caktuar në qershor të vitit 2015 kur Liverpool, mund të shfrytëzojë opsionin e blerjes së Balotellit.
Një veprim i tillë nga Raiola, konsiderohet ilegal me ligjin në Angli, andaj në rast të konfirmimit të lajmit mund të vjen një ndëshkim i rëndë për palët e përfshira në marrëveshje.