Policia thotë se vetura e mbushur me mjete shpërthyese ishte parkuar afër një xhamie në periferinë lindore të Bagdadit pak para se të eksplodonte.

Ende askush nuk e ka marrë përgjegjësinë për këtë sulm në lagjen Al Obaidi.

Sulmet në Bagdad gjatë javës së fundi, disa prej të cilave janë kryer nga grupi ekstremist, Shteti Islamik, kanë vrarë dhjetëra njerëz.

Sulmet kanë ndodhur derisa forcat e sigurisë së Irakut, të përkrahura nga sulmet ajrore amerikane dhe luftëtarë të ndryshëm, janë duke bërë përpjekje që të rimarrin kontrollin nga IS-i në qytetin verior, Mosul.