Asistenti i Mourinhos vjen me deklaratë tallëse për gjyqtarin
Asistenti i Jose Mourinho, Rui Faria, ka ironizuar kur është pyetur për gjyqtarin Mark Clattenburg, i cili drejtoi ndeshjen mes Manchester United dhe Burnley.
Sport
Unitedi nuk arriti të marrë më shumë se një pikë përballë Burnleyt, duke barazuar 0:0.
Në këtë ndeshje, Clattenburg ndëshkoi me karton të kuq Jose Mourinhon dhe mesfushorin Herrera, ndërsa përgjatë ndeshjes pati shumë momente kontestuese, përcjell lajmi.net.
Gjitha këto kanë bërë që Rui Faria të tallet me gjyqtarin.
“Vetëm dua të them se gjyqtari ka bërë punë fantastike”, është përgjigjur Faria me ironi kur është pyetur për gjyqtarin.