Arrestohet prizrenasi që mashtroi qytetarët për rregullimin e vizave
Policia e Kosovës ka njoftuar se ka arrestuar një person për mashtrim me vizat.
Lajme
Në Prizren është arrestuar një i dyshuar mashkull K/Shqiptar, pasi që i njëjti në bashkëpunim me një person tjetër, ka mashtruar disa qytetarë duke u premtuar rregullimin e vizave të punës për në Gjermani.
Si viktima janë intervistuar 15 meshkuj K/Shqiptarë dhe janë bastisur tri lokacione ku janë sekuestruar dokumentacion i ndryshëm në lidhje me vizat gjermane: llap-top , telefon si dhe një veturë me targa vendore.
Me vendim të prokurorit i dyshuari është dërguar në mbajtje. Rasti është duke u hetuar si “mashtrim”. /Lajmi.net/