Arrestohet një serb për kontrabandë të vajit bazik në Jarinje
Policia e Kosovës ka ndaluar në pikën kufitare në Jarinje një kamion i cili drejtohej nga i dyshuari, serb i Kosovës.
Lajme
Sipas policisë, gjatë kontrollit është vërejtur se i njëjti ishte duke transportuar 10 bidonë të plastikës me rreth 10 mijë litra vaj bazik dhe është konstatuar se kufirin shtetëror Serbi-Kosovë e ka kaluar jashtë pikës kufitare në mënyrë ilegale.
I dyshuari është arrestuar, ndërsa kamioni për shkak të konfiguracionit të terrenit ka mbetur në përkujdesje policore në vendin e ngjarjes, transmeton KosovaPress.