Arrestohen dy persona të dyshuar për tentim vrasje dhe grabitje
Policia e Kosovës thotë se ka marrë informatë se në rrugën “Zahir Pajaziti” në Podujevë, një person është sulmuar me mjetë të fortë (shufër) dhe të njëjtit më pas i janë grabitur një shumë e parave.
Lajme
Bëhet fjalë për viktimën: E. M mashkull, 22 vjeç, shtetas i Republikës së Kosovës, i cili është dërguar për tretman mjekësor në QKUK.
“Menjëherë pas marrjes së këtij informacioni zyrtarët policor të stacionit të Podujevës, me një intensitet të shtuar kanë filluar ndërmarrjen e një varg veprimesh operative dhe hetimore, të cilat kanë rezultuar me identifikim dhe arrestimin e dy personave të dyshuar”, thotë Policia.
I dyshuari i parë, G. A mashkull, 19 vjeç, shtetas i ë Kosovës, është arrestuar pak minuta pasi ka ndodhur ngjarja, dhe i njëjti pas përfundimit të procedurave fillestare policore me urdhër të Prokurorit të Shtetit, është dërguar në qendrën të ndalimit.
Po sipas Policisë, i dyshuari i dytë, A. H mashkull, 19 vjeç, shtetas i Kosovës, është arrestuar nga ana e policisë sot rreth orës 09:00, i cili po ashtu me urdhër të Prokurorit të Shtetit, është dërguar në qendrën të ndalimit.
Aktualisht zyrtarët policor thonë se po kryejnë të gjitha veprimet e nevojshme hetimore e procedurale lidhur me këtë ngjarje, ndërkohë që ndaj personave të dyshuar, janë hapur dy raste, tentim vrasje dhe grabitje./Lajmi.net/