Arda Turan beson ende se Atletico Madrid mund ta eliminojë Chelsean, për t’u kualifikuar në finale të Ligës së Kampionëve.

‘Rojiblancos’ nuk arritën më shumë se një barazim 0:0 në ndeshjen e parë në Vicente Calderon, të martën e ardhshme, ndërsa do të mundohen ta eliminojnë ekipin e Jose Mourinhos në ndeshjen e kthimit, që do të luhet të mërkurën mbrëma, për ta siguruar një vend në finalen e Lisbonës, që luhet muajin e ardhshëm.

“0:0 nuk është as disavantazh as avantazh, vetëm një fillim i freskët. Do ta shohim. Ne jemi ekip që luftojmë për çdo top”, deklaroi fillimisht përfaqësuesi turk.

“Ne besojmë në aftësitë tona, në ëndrrat tona. Ne i ndjekim ëndrrat tona dhe shkojmë sa më larg, që t’i realizojmë ato. Tifozët e Atleticos e dinë se ne japim gjithçka. Ne besojmë se mund ta arrijmë finalen”, përfundoi Arda.