Për të diskutuar lidhur me përparësitë e arbitrazhit brenda sektorit bankar Qendra e Arbitrazhit e Odës Ekonomike Amerikane në Kosovë (OEAK), ka organizuar një tryezë me përfaqësues të bankave, arbitra, avokatë, gjyqtarë, si dhe përfaqësues të Odës së Përmbaruesve Privatë.

Për përparësitë e arbitrazhit foli arbitri dhe njëkohësisht ekspert i kësaj fushe, Fisnik Salihu, derisa për përparësitë e ndërmjetësimit foli Shibani Shah, zëvendës udhëheqëse e programit të Agjencisë së Shteteve të Bashkuara të Amerikës për Zhvillim Ndërkombëtar mbi Përmbarimin dhe Legjislacionin Komercial (USAID CLE).

Tryeza ka rezultuar me debat cilësor dhe me informata inkurajuese se sektori bankar tashmë ka përqafuar idenë e arbitrazhit dhe ndërmjetësimit, si dhe ka konsideruar të dyja këto si alternativa të vetme për zgjidhjen e kontesteve, për propozim të klienti.

Në lidhje me këtë e në mënyrë që të adresojë nevojat jo vetëm të anëtarëve të Odës por edhe të gjithë sektorit bankar, Qendra e Arbitrazhit e Odës Ekonomike Amerikane në Kosovë ka marrë përsipërdizajnimin e shembujve të marrëveshjeve të arbitrazhit për sektorin bankar dhe institucione të tjera financiare, në mënyrë që të influencojë më tutje pranimin e arbitrazhit tregtar në Kosovë./RTK