Apple shpallet fajtore për kurdisje të çmimeve në Rusi – Lajmi.net
Apple shpallet fajtore për kurdisje të çmimeve në Rusi
Autori: Lajmi.net Auto & TekTeknologji 0:09, 15 March 2017
Apple është shpallur fajtore për kurdisje të çmimeve në Rusi, pasi agjencia anti-monopol thotë se kompania amerikane ishte marrë vesh me shitësit në Rusi që të koordinonin çmimet e iPhoneve.

Shërbimi Antimonopol i Rusisë të martën ka thënë se shitësit e pajisjeve të Apple-it në Rusi ilegalisht kishin fiksuar çmimet e iPhone 5 dhe iPhone 6 në bashkëpunim me gjigantin teknologjik. Tani kjo akuzë mund të çojë në dënimin e kompanisë me bazë në Kaliforni.

Apple, sipas akuzës, i ka dhënë instruksione 16 kompanive ruse për të mbajtur çmimin e modeleve të iPhoneve dhe disa herë ishte ankuar në to se telefonat po shiten në çmime “të papërshtatshme”.

Ky hetim është duke u zhvilluar që nga muaji gusht, ndërsa Apple kishte mohuar akuzën duke thënë se shitësit rusë kanë vendosur vetë çmimet për produktet e kompanisë.

Apple tani ka kohë tre muaj për të apeluar për këtë vendim.

Dënimi që mund t’i shqiptohet Apple-it është deri në 15 për qind të çdo njësie të shitur në Rusi, raporton “Financial Times”.

Fjalët kyçe: Apple, Çmimet

Fotolajm

Kim Jung, bëhet pjesë e batutave
?>

ke nje LAJM

Jeni në vend të ngjarjes, apo dëshironi ta ndani ndonjë storie me të tjerët?

Klikoni në butonin më poshtë

DËRGO
 

Lojëra

  • Play 8 Ball Pool
  • Play Bubble Trouble
  • Play Bow Master Japan
  • Play Turbo Racing 3