Mbajtësja prej kartoni e picave të Apple është e rrumbullakët dhe e studiuar në detaje.

Ky paketim është ideuar rreth 7 vjet më parë nga Apple dhe aktualisht përdoret në kafenenë e kësaj kompanie, njofton TechSot.al.

E regjistruar në vitin 2010 dhe e publikuar në vitin 2012, patenta përshkruan një mbajtëse rrumbullake me material ekologjik dhe rezistues në të njëjtën kohë, me disa vrima në kapak për të shmangur lagështinë.

Gjithashtu kutia Apple e picave ka dhe unaza me vrima në pjesën e poshtme për t’i dhënë ajër bazës së picës.

Të gjitha këto detaje janë menduar për të lehtësuar shpërndarësit e picave dhe për të krijuar më shumë mundësi dhe vende ku mund t’i mbështesim ato.