Aplikacioni i Facebook merr të dhënat private të 3 milionë përdoruesve – Lajmi.net
Aplikacioni i Facebook merr të dhënat private të 3 milionë përdoruesve
Autori: Lajmi.net Auto & TekTeknologji 21:39, 15 May 2018
Vetëm kur mendoni se gjërat nuk mund të keqësohen për Facebook, është kuptuar se një tjetër aplikacion mashtrues ka zbuluar detajet “intime” të tre milionë përdoruesve.

New Scientist raporton se aplikacioni ‘myPersonality’, i zhvilluar nga akademikët e Universitetit të Kembrixhit, shpërndau përgjigjet e përdoruesve tek studiuesit në kompani, duke përfshirë Facebook, Google, Microsoft dhe Yahoo duke përdorur një faqe interneti të pasiguruar.

Një fjalëkalim dhe emri i përdoruesit që u siguronte qasje në të dhëna – të cilat u kontrolluan nga David Stillwell dhe Michal Kosinski në Qendrën Psikometrike të Universitetit – ishin në GitHub, të disponueshme për publikun, për katër vitet e fundit.

Edhe pse të dhënat u pastruan nga përdoruesit para se t’u jepeshin studiuesve, New Scientist raporton se çdo përdoruesit në grupin e të dhënave u jepej një ID unike, e cila lidhi së bashku të dhëna të tilla si mosha e përdoruesit, gjinia, vendndodhja, azhurnimet e statusit, rezultatet në kuizin e personalitetit dhe më shumë.

Me kaq shumë informacione, de-anonimizimi i të dhënave mund të bëhet shumë lehtë, dhe raporti pohon se kushdo që dëshironte qasje në grupin e të dhënave mund të kishte gjetur çelësin për ta shkarkuar atë në më pak se një minutë

Universiteti i Kembrixhit thotë se është njoftuar për çështjet që rrethojnë myPersonality nga Zyra e Komisionerit të Informacionit dhe i tha New Scientist se ky aplikacion “nuk ka kaluar nëpër procesin tonë të miratimit etik”.

Facebook tha se e pezulloi aplikacionin myPersonality më 7 prill dhe shtoi se mund të hiqet përgjithmonë nga platforma në varësi të rezultateve të hetimit të vazhdueshëm të rrjetit social.

“Ne e pezulluam aplikacionin myPersonality pothuajse një muaj më parë, sepse besojmë se mund të ketë shkelur politikat e Facebook”, tha Ime Archibong, zëvendëspresident i Facebook për Partneritetet e Produkteve.

“Ne aktualisht po hetojmë aplikacionin, dhe nëse ky aplikacion refuzon të bashkëpunojë ose nuk arrin auditimin tonë, ne do ta ndalojmë atë.”

Fotolajm

Rita, Dua dhe Era.
?>

ke nje LAJM

Jeni në vend të ngjarjes, apo dëshironi ta ndani ndonjë storie me të tjerët?

Klikoni në butonin më poshtë

DËRGO
 

Lojëra

  • Play Pro Kicker Frenzy
  • Play World Soccer Champion
  • Play Bow Master Japan
  • Play Berry Rush