Antonio Conte shkon të PSG, Chelsea e gjen super-zëvendësimin
.
Sport
Ish trajneri i Barcelonës, Luis Enrique, mund të jetë zëvendësuesi i Antonio Contes të Chelsea.
Skuadra kampione e Premierligës duket se po përgatitet për një largim të mundshëm të trajnerit italian.
Conte është vënë në qendër të spekulimeve, për të marrë drejtimin e Paris Saint Germain në fund të sezonit, duke pasuar Unay Emery, nëse ky i fundit dështon të fitojë Ligën e Kampionëve, e në shkurt menjëherë e pret sfida e vështirë ndaj Real Madridit.
Në rast largimi të Antonio Contes, ish trajneri i Barcelonës dhe Romës, Luis Enrique, mund të marrë drejtimin e Chelsea. Lajmi është bërë i ditur nga media angleze ‘DailyStar’, përcjell lajmi.net.
Me ardhjen e Enrique në krye të Chelsea, pritet të zbarkojë edhe Juliano Belletti, në rolin e drejtorit sportiv./Lajmi.net/