Anketa: PDK e para, Shpendit i rritet përkrahja brenda Vetëvendosjes
Rezultatet e një anketë e kryer nga një oganizatë e pavarur tregojnë se PDK vazhdon të jetë partia më e favorizuar. LDK është e dyta. AAK dhe Vetëvendosje shtyhen për vendin e tretë, ndonëse kanë rënie. NISMA kalon pragun, kurse AKR është afër pragut.
Lajme
Një hulumtim i opinionit i realizuar kohëve të fundit nga një organizatë e pavarur e anketimeve në Kosovë ka nxjerr disa lëvizje në skenën politike të vendit.
Anketa është bërë në muajin janar në tërë Kosovën dhe në të janë përfshirë 1.000 respondentë.
Nga rezultatet e saj, siç merr vesh lajmi.net, PDK ka dalë partia e parë, për të cilën qytetarët do të votonin në rast se zgjedhjet do të mbaheshin tani.
PDK është pasuar nga partia kryesore opozitare, LDK.
Anketa konfirmon pozitat e partive politike, me disa risi.
AAK vazhdon të luftojë për vendin e tretë me Vetëvendosjen, ndonëse të dyjat kanë shënuar rënie.
Partia më e re në skenën politike të Kosovës, Nisma për Kosovën, e themeluar javën e kaluar nga Fatmir Limaj dhe Jakup Krasniqi, pritet të kalojë pragun prej 5%.
Përderisa AKR është në rrezik për të kaluar pragun, shpëtimin e vetëm e ka mobilizimin e votuesëve nga ana e kryetarëve të posazgjedhur në Komunat e Gjakovës dhe Mitrovicës.
Ndërkohë që Vetëvendosje si parti ka pësuar rënie, Shpend Ahmeti i është afruar Albin Kurti për nga reputacioni brenda partisë.