Ancelotti zgjedh Khediran
Trajneri i Real Madridit, Carlo Ancelotti ka përzgjedhur Sami Khediran si titullar në mesfushë, për finalen e Ligës së Kampionëve kundër Atletico Madridit.
Sport
Në mungesë të konfirmimit zyrtar, trajneri i Real Madridit, Carlo Ancelotti ka vendosur që Sami Khedira të jetë titullar në mesfushë, për finalen e Ligës së Kampionëve kundër Real Madridit.
Reprezentuesi gjerman ka munguar për pjesën më të gjatë të sezonit pas lëndimit që pësoi në miqësoren kundër Italisë në vitin e kaluar. Mirëpo, ai është rikuperuar në muajin e fundit dhe bëri disa paraqitje në xhirot e fundit të La Ligës.
Dhe, sipas As.com, Khedira do të luajë në qendër të mesfushës në vend të suspenduarit Xabi Alonso.
Me Khediran, formacioni bazë i Realit mund të jetë kështu: Casillas; Carvajal, Varane, Sergio Ramos, Coentrao; Di María, Khedira, Modric, Isco; Bale, Cristiano Ronaldo.