Ancelotti – Napoli, ndodh një problem që nuk e priste askush
Carlo Ancelotti dhe tifozeria e Napolit kanë mosmarrëveshje në lidhje me përforcimet e afatit kalimtar të verës.
Sport
Arkadius Milik është një sulmues mjaft cilësor, por dëmtimet e shpeshta nuk japin garanci, që Ancelotti të bazohet vetëm te ai për të përballuar sezonin me Napolin.
Emri i preferuar nga Carlo Ancelotti është ai i francezit Karim Benzema, që vështirë se do të vijojë të qëndrojë më te Reali, ndërsa tifozëria napolitane ëndërron rikthimin e Edison Cavanit.
Uruguaiani nuk ka më qetësinë e mëparshme te PSG-ja dhe do të mirëpriste një rikthim në Itali, te Napoli, por që kjo të ndodhë, duhet të sakrifikojë disa miliona në pagën e tij vjetore, transmeton “Top Channel”.
Gjithsesi, koha kalon dhe pas një muaji skuadrat do të zbresin në fushë për javën e parë të kampionatit, ndaj Ancelotti kërkon që skuadra të veprojë sa më shpejt në merkato, për të kompletuar ekipin.
Por ajo që është më e rëndësishme, është fakti se me ardhjen e Ancelottit, Napoli është bërë një destinacion i preferuar edhe për lojtarët e mëdhenj, jo vetëm për talentet e reja.