Aktorja e njohur turke realizon ‘workshop’ në teatrin e regjisorit shqiptar, vlerësohet nga mediet turke (Video/Foto)
Aktorja e njohur turke, Bennu Yildirimlar ka realizuar një ‘workshop’ në teatrin ‘Tiyatro Teras’ në Stamboll i cili drejtohet nga aktori dhe regjisori shqiptar Shyqyri Caushaj.
ShowBiz
E ky ‘workshop’, është komentuar dhe vlerësuar edhe nga mediet turke, përmes raportimeve që kanë bërë, shkruan lajmi.net
Në ligjëratën e saj, Bennu ka folur mbi temën e famës në konflikt me artin e aktorit, duke shfaqur njohuritë e saj para studentëve të teatrit.
Po ashtu, për mediet ka folur edhe themeluesi Shyqyri Caushaj i cili ka thënë se çelësi i suksesit është puna e palodhur drejt synimit dhe bashkëpunimi me më të mirët në treg.
Kujtojmë që teatri ‘Tiyatro Teras’ ka realizuar klipin për shfaqjen e saj më të re ‘Esnaflar’ me regji të Shyqyri Caushaj.
Kështu, po dëshmohet se studentet e këtij teatri dhe aktorët në studio po japin premisa të një gjenerate të re të artit të teatrit bashkëkohor. /Lajmi.net/