Aktakuzë për vrasje në tentativë dhe armëmbajtje pa leje – Lajmi.net
Aktakuzë për vrasje në tentativë dhe armëmbajtje pa leje
Autori: Lajmi.net LajmeNacionale 9:21, 5 December 2018
Prokuroria Themelore në Gjilan, Departamenti për Krime të Rënda, ka ngritur aktakuzë ndaj personit A.A. që shtiu me armë ndaj F.S., pas një mosmarrëveshje në komunikacion.

Gjithashtu në aktakuzë i dyshuari ngarkohet edhe me veprën armëmbajtje pa leje, transmeton lajmi.net.

Njoftimi i plotë i Prokurorisë:

Prokuroria Themelore në Gjilan, Departamenti për Krime të Rënda, ka ngritur aktakuzë ndaj të pandehurit A.A.

Sipas aktakuzës, më 22 shtator 2018, në fshatin Beguncë, komuna e Vitisë, i pandehuri ka tentuar t’a privojë nga jeta të dëmtuarin F.S., në atë mënyrë që pas një mosmarrëveshje në komunikacion, i pandehuri fillimisht e godet me grushte të dëmtuarin, pastaj ka shtënë me armë zjarri 4 (katër) herë në drejtim të tij, me ç’rast dy plumba bien në xhamin e parë të veturës por nuk depërtojnë te i dëmtuari dhe pas kësaj i njëjti me shpejtësi është larguar nga vendi i ngjarjes.

Me ketë veprime ekziston dyshimi i bazuar mirë se ka kryer veprën penale ‘’Vrasje në tentativë’’ nga neni 178 lidhur me nenin 28 të Kodit Penal të Republikës së Kosovës (KPRK).

Gjithashtu, i pandehuri ka mbajt në pronësi, kontroll dhe posedim, pa autorizim dhe leje përkatëse armë zjarri dhe një karikator, të cilat edhe i’u janë konfiskuar, me ç’rast ka kryer edhe veprën penale ‘’Mbajtja në pronësi, kontroll ose posedim të pa autorizuar të armëve’’ nga neni 374 paragrafi 1 të KPRK-së.

Prokuroria, ka kërkuar nga Gjykata që të pandehurin t’a shpallë fajtor për këto vepra penale dhe ti shqiptojë sanksion penal, me të cilin do të arrihej qëllimi i dënimit. /Lajmi.net/

Fotolajm

Rita, Dua dhe Era.
?>

ke nje LAJM

Jeni në vend të ngjarjes, apo dëshironi ta ndani ndonjë storie me të tjerët?

Klikoni në butonin më poshtë

DËRGO