Kolë Puka dyshohet se është marrë me aktivitet kriminal nga viti 2002-2009, duke keqpërdorur pozitën e gjyqtarit në Gjykatën Komunale në Klinë, në atë mënyrë që gjatë aktivitetit kriminal ka përfituar mjete financiare në shuma milionëshe, duke kryer veprat penale: “Shpëlarje e parave” nga neni 32, paragrafi 2, pika 2.1, 2.2, 2.5 e 2.6 të Ligjit për Parandalimin e Shpëlarjes së Parave dhe Financimit të Terrorizmit, lidhur me veprën penale “Shpërdorimi i Pozitës Zyrtar ose i Autorizimit”, nga neni 339, paragrafi 1 lidhur me paragrafin 3 të Kodit Penal të Kosovës.

Ndërkaq, i pandehuri Zef Puka dyshohet se e ka ndihmuar të Kolën për t’i fshehur pasuritë e fituara në mënyrë të kundërligjshme, duke kryer veprën penale: “Shpëlarja e parasë”, nga neni 32, paragrafi 2, pika 2.1, 2.2, 2.5 e 2.6 të Ligjit për Parandalimin e Shpëlarjes së Parave dhe Financimit të Terrorizmit.

Prokuroria Speciale e Republikës së Kosovës i ka propozuar Gjykatës që të konfiskojë pasuritë dhe mjetet financiare të fituara nga shitja e pasurisë së fituar në mënyrë të kundërligjshme.

Aktakuza është ngritur nga një prokuror vendës i Prokurorisë Speciale të Republikës së Kosovës.