Aktakuzë ndaj zyrtarit që shtyri votuesit të votojnë partinë që përfaqësonte – Lajmi.net
Aktakuzë ndaj zyrtarit që shtyri votuesit të votojnë partinë që përfaqësonte
Autori: Lajmi.net LajmeNacionalePolitikë 13:52, 16 June 2017
Prokuroria Themelore në Pejë, ka ngritur aktakuzën kundër të pandehurit L.A. për vepër penale “Keqpërdorimi i detyrës zyrtare gjatë zgjedhjeve.

Sipas aktakuzës, i pandehuri si koordinator i vëzhguesve të njërit nga subjektet politike pjesëmarrëse në zgjedhje, duke keqpërdor pozitën apo autoritetin e tij, këshilloi votuesit që të votojnë në favor të subjektit politik që ai përfaqësonte, thuhet në njoftimin e Prokurorisë së Pejës, transmeton lajmi.net.

Njoftimi i plotë:

Prokuroria Themelore në Pejë, Departamenti i Krimeve të Rënda, ka ngritur aktakuzën me marrëveshje mbi pranimin e fajësisë kundër të pandehurit L.A. për vepër penale “Keqpërdorimi i detyrës zyrtare gjatë zgjedhjeve” nga neni 214 i Kodit Penat të Republikës së Kosovës.

Sipas aktakuzës, i pandehuri L.A. më 11 qershor 2017 në shkollën fillore “Asdreni” në Pejë, si person zyrtar dhe atë si koordinator i vëzhguesve të njërit nga subjektet politike pjesëmarrëse në zgjedhje, duke keqpërdor pozitën apo autoritetin e tij, këshillon votuesit që të votojnë në favor të subjektit politik që ai përfaqësonte, ashtu që i pandehuri fillimisht i jap dëshmitarit N.M. një kopje të fletëvotimit se cilët kandidatë dhe subjekt politik të votojë, ndërsa më pas i njëjti ndalohet nga Policia e Kosovës të cilët në çantën e të pandehurit gjejnë dhe sekuestrojnë gjashtë kopje të pa plotësuara të fletëvotimeve.

I pandehuri me këto veprime duke keqpërdor pozitën, detyrën dhe autoritetin e tij, si person zyrtar ka përmbushur elementet e veprës të përshkruar sikur më lart.

Prokurori i çështjes me rastin e ngritjes së aktakuzës, i ka propozuar Gjykatës që të pandehurin ta shpall fajtorë dhe ta dënojë sipas ligjit.  /Lajmi.net/

Fjalët kyçe: Aktakuzë, Kosovë, Peje, zgjedhjet

Fotolajm

‘’Në makinë, ka njerëz që nuk do të takohen kurrë më!’’
?>

ke nje LAJM

Jeni në vend të ngjarjes, apo dëshironi ta ndani ndonjë storie me të tjerët?

Klikoni në butonin më poshtë

DËRGO
 

Lojëra

  • Play Supercar Showdown
  • Play iStunt 2
  • Play Berry Rush
  • Play Urban Basketball