Aksident me fatalitet në Burojë të Skenderajt
Si pasojë e lëndimeve të marra në një aksident komunikacioni ka vdekur një person.
Lajme
Aksidenti ka ndodhur në fshatin Burojë të Skenderajt, prej nga vjen presidenti i Kosovës, Hashim Thaçi.
Lajmin për kallxo.com e ka konfirmuar edhe Policia Rajonale e Mitrovicës.
Zëdhënësi Avni Zahiti tregoi se aksidenti ka ndodhur rreth orës 19 :00.
Përveç një personi që ka vdekur nga lëndimet e marra, edhe tre të tjerë janë lënduar.
Sipas Zahitit, dy prej tyre po kurohen në Spitalin rajonal të Mitrovicës, e njëri në QKUK.
Në këtë aksident janë të përfshira një veturë dhe një traktor.
Trupi i pajetë i viktimës është dërguar për obduksion.