AKP mohon se fondet e privatizimin i ruan në bankat e Zvicrës – Lajmi.net
AKP mohon se fondet e privatizimin i ruan në bankat e Zvicrës
Autori: Lajmi.net EkonomiLajme 12:16, 11 April 2018
Agjencia Kosovare e Privatizimit, në lidhje me shkrimin e publikuar sot në mediat e Kosovës, me titull: “Kosova s’pranon që Fondi i Privatizimit të përfshihet në dialogun me Serbinë”, sqaron se nuk qëndron deklarata e dhënë në këtë artikull se AKP i ruan mjetet e privatizimit ”në depozita të caktuara në bankat e Zvicrës”.

Njoftohet opinioni i gjerë publik se AKP në përputhje me procedurat bankare të aprovuara nga Bordi i Drejtorëve të AKP-së, operon vetëm me llogaritë bankare të hapura në Bankën Qendrore të Republikës së Kosovës dhe se nuk e ka të hapur asnjë llogari bankare në shtetet jashtë Republikës së Kosovës

Gjithashtu, vlen të theksohet që nga themelimi  i saj në Qershor 2002, AKM/AKP të gjitha mjetet e inkasuara të fondeve në mirëbesim  i ka deponuar vetëm në llogaritë bankare në Bankën Qendrore të Kosovës.

Nga viti 2002 e deri më tani, AKP-ja asnjëherë nuk ka investuar mjetet e fondeve në mirëbesim në tregjet e jashtme të kapitalit apo të tregut të jashtëm të parasë apo në bankat jashtë Kosovës.

“Të gjitha depozitimet e afatizuara që AKP i ka bërë gjatë periudhës 2010-2013 janë realizuar si depozitime me afatizim deri në 1 vit në Bankën Qendrore të Kosovës. Poashtu, AKP-ja në atë kohë kishte afatizuar disa mjete për periudhën një vjeçare në bankat komerciale në Republikën e Kosovës”, thuhet ne reagimin e AKP-së.

Gjendja e tërësishme e mjeteve të fondeve në mirëbesim deri më datën 9 Prill 2018 është 476,553,819 euro. Këto mjete janë në llogaritë rrjedhëse bankare në Bankën Qendrore në Republikën e Kosovës./Lajmi.net/

Fjalët kyçe: AKP, fondet e privatizimit

Fotolajm

“Kulturë boksi” përpara Ministrisë së Kulturës në Prishtinë /FOTO
Foto, aparati për matjen e fuqisë së goditjes përpara Ministrisë së Kulturës në Prishtinë /lajmi.net ?>

ke nje LAJM

Jeni në vend të ngjarjes, apo dëshironi ta ndani ndonjë storie me të tjerët?

Klikoni në butonin më poshtë

DËRGO
 

Lojëra

  • Play Zombie Big Trouble
  • Play Urban Basketball
  • Play Turbo Racing 3
  • Play 8 Ball Pool