AI për të mësuar traktorët sesi të punojnë në ferma – Lajmi.net
AI për të mësuar traktorët sesi të punojnë në ferma
Autori: Lajmi.net Auto & TekTeknologji 20:21, 8 September 2017
Zhvillimi vrullshëm teknologjik dhe sidomos inteligjenca artificiale, është duke zënë vend gjithnjë e më shumë në aktivitetin e përditshëm të njeriut.

Dhe këtu nuk bën përjashtim bujqësia. Për të mos qëndruar pas në kohë, kompania e famshme e prodhimit të makinerive bujqësore, John Deere ka vendosur të investojë 305 milionë dollarë për blerjen e “Blue River Technology”.

Kjo e fundit ka ndërtuar një mekanizëm  në gjendje që të dallojë “barin e keq” tek të mbjellat dhe më pas të përcaktojë dozën e kimikateve që duhen hedhur mbi të për ta zhdukur nga ara.

E gjitha kjo mundësohet falë një sistemi kamerash, që dërgojnë të dhënat tek pajisja qendrore ku është e vendosur AI. “Blue River Technology” thotë se parametrat e spërkatjes dhe të identifikimit mund të ndryshohen nga vetë fermerët.

Ky është shërbimi i parë që John Deere synon të përvetësojë dhe ta përshtasë me traktorët e tij, por jo i vetmi. Kompania amerikane thotë se ambicia e saj është të zgjerojë edhe më tej inteligjencën artificiale në shërbim të bujqësisë, pse jo duke ndërtuar një traktor që të mos ketë nevojë për drejtues dhe të kryejë të gjitha funksionet në shërbim të prodhimit në mënyrë të pavarur.  /Lajmi.net/

 

Fjalët kyçe: Ferma, Traktoret

Fotolajm

‘’Në makinë, ka njerëz që nuk do të takohen kurrë më!’’
?>

ke nje LAJM

Jeni në vend të ngjarjes, apo dëshironi ta ndani ndonjë storie me të tjerët?

Klikoni në butonin më poshtë

DËRGO
 

Lojëra

  • Play Urban Basketball
  • Play World Soccer Champion
  • Play iStunt 2
  • Play Bike Rivals