Burime partiake thonë se bëhet fjalë për persona brenda BDI-së lojal ndaj VMRO-DPMNE-së. Shumica prej tyre kanë qenë të paraparë për ministra të rinj në qeverinë VMRO-BDI që thuajse ishte punë e kryer, pro dështoi për shkak të presionit nga ndërkombëtarët. Ahmeti nuk ka mundur t’i garantojë Zaevit se mund të heqë dorë prej të gjithë atyre personave, emrat e të cilëve gjenden në listën e Zaevit.

Pikërisht këta persona, përmes disa mediumeve në gjuhën shqipe, këtyre ditëve pritet të liferojnë emrat e tyre, se gjoja kanë qenë kundër qeverisë VMRO-BDI.

Përgatitjet për formimin e qeverisë së re morën një kahje pozitive, pasi që mediumet raportuan se ndërkombëtarët ia kanë “tërhequr” veshin BDI-së, që të ndërprejë “lojërat e fshehta” me VMRO-DPMNE-në kundër formimit të qeverisë së re. /LajmM/