Agresori i aeroportit në Francë, alkool e drogë para sulmit – Lajmi.net
Agresori i aeroportit në Francë, alkool e drogë para sulmit
Autori: Lajmi.net Bota 10:11, 20 March 2017
Analizat e toksikologjisë treguan se autori i incidentit në aeroportin francez të Orly kishte konsumuar alkool, kanabis dhe kokainë përpara se të sulmonte ushtaren e të qëllohej për vdekje nga kolegët e saj.

Episodi i së shtunës shkaktoi frikë e solli mbylljen e përkohshme të aeroportit të dytë më të madh të Parisit. Edhe pse hetimet për zbardhjen e motiveve të agresorit vazhdojnë, babai i tij këmbëngul se i biri nuk është ekstremist dhe se veprimet e tij ishin pasojë e pijes dhe drogës.

“Djali im nuk është terrorist. Ai nuk është lutur kurrë, vetëm se konsumonte alkool”, është shprehur i tronditur burri.

39-vjeçari Ben Belgacem, i lindur në Francë nga prindër tunizianë, i mori armën një ushtareje në terminalin jugor të aeroportit, ndërsa e kërcënonte me një pistoletë në kokë.

Ai duket të ketë thënë se donte “të vdiste për Allahun”. Top Channel

Fjalët kyçe: aeroport, Francë

Fotolajm

Pandat gjigante mbushin 1 vjeç në Makao
?>

ke nje LAJM

Jeni në vend të ngjarjes, apo dëshironi ta ndani ndonjë storie me të tjerët?

Klikoni në butonin më poshtë

DËRGO
 

Lojëra

  • Play Rock Wheels
  • Play iStunt 2
  • Play Berry Rush
  • Play Urban Basketball