Afati i dytë në UP, në Fakultetin Teknik pak të interesuar

Ka disa ditë që është hapur afati i dytë për studentë por mungon interesimi, sidomos për ato drejtime që kërkohet më shumë mund.

Lajme

12/09/2017 22:59

Në Fakultetin Teknik, ka pak të interesuar. Por ndryshe është situata në fakultete të tjera.

Sportelet e Fakultetit Teknik janë të zbrazëta.

Pak studentë shihen të interesuar që të aplikojnë në afatin e dytë të regjistrimit në drejtimet që ofron ky fakultet. E krejt kjo ndodh për shkak se disa drejtime janë të vështira për t`u studiuar.

Ndryshe është situata në Fakultetin Ekonomik.

Numri i aplikuesve arrin shifra të mëdha, edhe pse shumica nuk mund ta kalojnë as pragun e paraparë që të pranohen në këtë fakultet.

Ndërkohë studentët kanë mundësi të aplikojnë edhe në drejtimet e reja në këto fakultete, në atë Megatronikës dhe Ekonominë në gjuhën angleze.