Grabitje e armatosur në një market në Prishtinë
Në një market në Prishtinë është raportuar për një grabitje të armatosur.
Lajme
Në rrugën “Isa Kastrati” në Prishtinë rreth orës 21:30, në një market ka ndodhur një grabitje e armatosur.
Këtë e ka konfirmuar për lajmi.net zëdhënësja e Policisë së Kosovës për rajonin e Prishtinës, Flora Ahmeti.
“Rreth orës 21:30 kemi pranuar informatën për një grabitje të armatosur e cila ka ndodhur në një market në rrugën “Isa Kastrati” në Prishtinë”, ka deklaruar Ahmeti për lajmi.net.
Sipas saj, Policia është duke u marrë me këtë rast.
“Menjëherë në vendin e ngjarjes kanë dalë të gjitha njësitet e nevojshme policore, të cilët po merren me rastin”, deklaroi Ahmeti.
Ndryshe pak orë më parë një grabitje e armatosur ishte regjistruar në një bankë në Fushë Kosovë. /Lajmi.net/