Abdixhiku: Amerika me Kosovën në okupim, luftë e në paqe
Deputeti i Lidhjes Demokratike të Kosovës, Lumir Abdixhiku, ka thënë se Kosova nuk duhet ta harroj historinë dhe ndihmën që Amerika i ka bërë.
Lajme
Deputeti i Lidhjes Demokratike të Kosovës, Lumir Abdixhiku, përmes një postimi në profilin e tij zyrtar në rrjetin social Facebook, ka shkruar se Kosova asnjëherë nuk duhet ta harroj ndihmën që Shtetet e Bashkuara të Amerikës i kanë dhënë, shkruan lajmi.net.
Abdixhiku në këtë postim ka shkruar se Amerika ishte me Kosovën në okupim, luftë dhe tani në paqe.
Këto komente Abdixhiku i ka bërë pasi që në Kosovë kanë ardhur 24 nga 51 mjete ushtarake amerikanë që janë ndihmë për Forcën e Sigurisë së Kosovës, përcjell lajmi.net.
Lexo edhe:
Mbërrijnë në Prishtinë automjetet ushtarake amerikane për Ushtrinë e Kosovës
Postimi i plotë i Abdixhikut pa ndërhyrje:
Historia që s’duhet harruar kurrë:
– 1992 Amerika vendosë vijë të kuqe për Kosovën.
– 1999 Amerika intervenon ushtarakisht për Kosovën.
– 2008 Amerika sponzorizon pavarësinë e Kosovës.
– 2018 Amerika mbështetë e ushtrinë e Kosovës.
Në okupim, në luftë, në paqe. 51 mjete ushtarake mbërrijnë nga SHBA-të në Kosovë. Ky është veçse fillimi. /Lajmi.net/