“Ne kemi gjetur se të ecësh pesë minuta çdo orë mund të largojë dëmin e shkaktuar në arteriet e këmbëve gjatë orëve të zgjatura të qëndrimit ulur”, thotë Suarabh Thosar, një studiues nga Universiteti i Shkencës dhe Shëndetit në Oregon.

Kur njerëzit ulen, muskujt nuk kontraktojnë efektivisht pompimin e gjakut për në zemër. Gjaku mund të qëndrojë në këmbë dhe të ndikojë në funksionin e arterieve ose aftësisë së enëve të gjakut për tu zgjeruar nga rritja e rrjedhjes së gjakut, transmeton Lajmi.net.

“Ne kemi treguar se qëndrimi i gjatë ulur dëmton funksionin endotelial, që është një tregues i hershëm i sëmundjeve kardio-vaskulare dhe kjo ecje pesë minutëshe e pengon rënjen në atë funksion”, shtoi Thosar.

Hulumtuesit treguan se gjatë një periudhe tre-orëshe, rrjedhja u ndërmjetësua me zgjerim, apo zgjerimi i arterieve ishte si rezultat i rritjes së fluksit të gjakut, kurse arteria kryesore në këmbë ishte dëmtuar më shumë se 50% vetëm pas një ore.

Pjesëmarësit në studim të cilit kishin ecur për pesë minuta çdo orë e panë se funksioni i tyre arterial kishte mbetur i njëjtë – nuk kishte rënë gjatë periudhës tre-orëshe.

Një i rritur qëndron ulur duke punuar për rreth tetë orë në ditë. Dëmtimi në funksionin endotelial është i rëndësishëm edhe vetëm pas një ore të qëndrimit ulur. Është interesante për të parë se aktivitetet e lehta fizike mund të ndihmojnë në parandalimin e kësaj, transmeton Lajmi.net.