4 vjeçarja i plotëson amanetin nënës së saj, duke u veshur si nuse (Foto)
Një vajzë vetëm 4 vjeç ka realizuar një set fotografik me fustanin e nënës së saj të ndjerë për hir të amanetit që ajo ka lënë.
Lifestyle
Amber David nga Karolina e Veriut, ndërroi jetë në moshën 27-vjeçare pasi u diagnostifikua me një lloj të rrallë të kancerit të qafës së mitrës.
Pasi mori vesh sëmundjen, nëna e tre fëmijëve i kërkoi mikut të saj, fotografit Heidi Spillane, që t’i premtonte se do të fotografonte vogëlushen Nora me fustanin e saj të dasmës.
Fatkeqësisht, Amber nuk arriti t’i shikonte këto imazhe pasi ajo vdiq para se e bija të bënte setin fotografik.
Ndërkohë, Heidi, i cili ka qenë fotograf në dasmën e Amberit me bashkëshortin e saj Derek, ka fotografuar edhe fëmijët Noah 8-vjeç, Nora 4 dhe Reid 3.
Ai është shprehur se është ndjerë i lumtur kur shoqja e tij ka kërkuar që të bëjë këto foto speciale, transmeton shekulli.
“Ishte shumë emocionuese të shihja Norën në fustanin e Amberit. Ishte aq e bukur sa e ëma. Kur e pashë vogëlushen me fustanin e bardhë, zemra nisi të rrahë fort”, ka shtuar Heidi./albeu