Ai në diskutimin për ekstremizmin e dhunshëm dhe radikalizmin që shpie në terrorizëm, sfidat dhe roli potencial i KKSB-ve, të organizuar nga Ministria e Punëve të Brendshme me kryetarët e komunave , ka thënë se pjesëmarrja e qytetarëve kosovar në ISIS është një sinjal që duhet të ndalet më shpejtë.

“Luftimi i ekstremizmit kërkon një qasje unike, si policia, OJQ-ve, mediat dhe familja. Këto të gjitha luajnë një rol të rëndësishëm për parandalim e kësaj dukurie”, tha ai.

Kurse, Luan Kekaj tha se parandalimi dhe luftimi i ekstremizmit nuk mund të arrihet vetëm me një qasje policore por kjo bëhet edhe me një qasje ndërinstitucionale.

“Me gjithë faktin se qytetarët e Kosovës kanë rezistuar këtyre dukurive, prapë se prapë një numër i të rinjve iu janë bashkuar luftës në Irak. Sipas të dhënave të Policisë së Kosovës numri i kosovarëve në periudha të ndryshme e që kanë udhëtuar në zonat e konfliktit janë 300, ku 50 janë deklaruar të vrarë”, ka thënë ai.