Shane Missle kapi pesë numrat dhe një bonus duke shënuar fitoren e katërt më të madhe në historinë e kësaj loje në SHBA.

Ai zgjodhi të merrte një pagesë prej 282 milionë USD njëherësh në vend të të gjithë shumës për një periudhë të gjatë kohe.

Missler tha me anë të një deklarate për mediat se kishte pasur ndjesinë se do të fitonte natën e hedhjes së Mega Millions. Disa minuta pasi e kapi, një javë më parë, ai shkroi në Fb: “Oh. Zoti. Im.”

Missler e paraqiti biletën e tij fituese në selinë e lotos shtetërore në Tallahassee të premten i shoqëruar nga babai i tij dhe një avokat. Ai tha se kishte plane të mëdha për paratë e tij.

“Unë jam vetëm 20 vjeç, por unë shpresoj ta përdor atë për të përmbushur një sërë pasionesh, për të ndihmuar familjen time dhe për të bërë bamirësi për njerëzit”,- tha i riu sipas deklaratës.

“Unë kam ndërmend të kujdesem për familjen time, të argëtohem dhe të çimentoj rrugën për të pasur sukses financiar në mënyrë që të mund të lë një trashëgimi në të ardhmen”.

Avokati i tij tha se, klienti i tij ishte tërhequr nga puna në një kompani.

Missler e kishte blerë biletën fituese në një 7-Eleven në qytetin e tij të lindjes në Port Richeu, 64km në veri të Tampa, duke përdorur një opsion “Quicke Pick” që i përzgjedh numrat rastësisht.

Numrat fitues ishin 28, 30, 39, 59 dhe 70 me një “Mega Ball” me numër 10.