Gjurmët e gishtave janë biometrikët me të cilët tashmë jemi mësuar, por ka forma të tjera të biometrikëve, si skanimi i syrit, i zërit, rrahjeve të zemrës dhe bile edhe mënyrës se si ecni.

Biometrikët janë padyshim shumë bindës dhe ata gjithashtu mund të jenë shumë të sigurt. Por, ata gjithashtu kanë dy probleme me të vërtetë të mëdha të cilat mund t’i rrezikojnë përdoruesit nëse nuk janë të kujdesshëm, transmeton Lajmi.net.

Ne tani do të ju tregojmë më poshtë se cilat janë ato dy probleme.

Por, së pari të tregomë se cilat janë të mirat e sigurisë biometrike. Së pari, nuk ka nevojë që të kujtosh asgjë. E mira e kësaj është se ju nuk mund t’i harroni shenjat e gishtit, dhe nuk keni nevojë që ta shkruani atë. Ju mund të jeni edhe i dehur dhe ende mund ta shtypni atë për ta hapur celularin.

Ata janë shumë të sigurt, përderisa mbani sekrete. Por, siç edhe e cekëm më lartë, biometrikët mund të jenë të sigurt. Sistemet mirë të dizajnuara që përdorin biometrikët nuk mbajnë ndonjë kopje digjitale të biometrikut. Kështu që, nëse iPhone-i juaj vidhet, askush nuk do të mund ta hapë atë.

Dhe tani, problemet.

1. Shenjat e gishtit mund të hakerohen
Eventualisht dikush do ta gjejë një mënyrë të lehtë dhe të lirë për të mundësuar vjedhjen e shenjave tuaja të gishtit përmes një gote nga e cila kishit pirë në një kafene në të cilën kishit qenë dhe ta bëjnë më pas një gisht të rremë i cili mund të përdoret për ta hapur celularin tuaj. Metodat për këtë tanimë ekzistojnë.

Kështu që çfarë? Nëse fjalëkalimi juaj hakerohet apo vidhet, ju mund ta krijoni një të ri. Por nëse shenjat tuaja të gishtit vidhen, çfarë do të bëni, të merrni një gisht të ri?

Sigurisht që jo. Dhe ky është njëri problem i madh i biometrikëve.

2. Nuk mund t’i mbani vetëm për vete
Fjalëkalimet kanë një vend special në ligjin amerikan. Ata njihen dhe ligji amerikan ju mbron nga gjërat që mund të ju vidhen të cilat mund të përdoren kundër jush. Por, shenjat tuaja të gishtit, apo identifikuesi tjetër biometrik, nuk është diçka që e dini, është diçka që ju jeni, dhe kjo nuk është e mbrojtur. Me fjalë të tjera, ju mund të shtyheni me forcë që ta vendosni gishtin tuaj në një skaner, nëse një vjedhës dëshiron që t’ua bëjë këtë, transmeton Lajmi.net.

Për të mos rënë pre e këtyre mashtrimeve, duhet të keni kujdes shumë ku e vendosni gishtin tuaj herën e ardhshme, pasi që vjedhësit janë përhapur kudo!