Kësaj radhe, emisioni Edhe unë jam Kosovë i RTV 21 ka qenë për vizitë në një familje në qytetin e Vushtrrisë, ku një familje e madhe jeton në hapësirë të vogël.

11 anëtarët e familjes Pushkolli jetojnë në kushte të rënda financiare dhe banojnë në një banesë që nuk është më e madhe se 62 metra katrorë.

Në një hapësirë të tillë, në një familje me të ardhura normale, nuk do të mund të jetonin më shumë se tre-katër persona, megjithatë familja nga Vushtrria është e detyruar të bëjë këtë jetë.