10 milionë euro për Mustafin
E ardhmja e Shkodran Mustafit mund të jetë në La Ligë. Qendërmbrojtësi shqiptar i Sampdorias kërkohet nga Valencia që ka ofruar 10 milionë euro për transferimin e tij.
Sport
Nga podiumi i fituesit të Kampionatit botëror tek tregu i futbollistëve, Shkodran Mustafi është në qendër të vëmendjes.
Qendërmbrojtësi i Sampdorias ka zgjuar interesim nga Valencia, ka njoftuar gazetari i Sky Sport, Gianluca di Marzio.
Sot, menaxheri i futbollistit shqiptar, Manuel Montipo do të takohet me drejtorin sportiv të Valencias, Ayala. Klubi spanjoll tashmë ka paraqitur ofertën e parë për Mustafin, 10 milionë euro.
Andaj, prej tani e tutje palët mund të fillojnë bisedimet në tentim për arritjen e marrëveshjes për transferimin e Mustafit tek klubi nga La Liga.
Mustafi së fundmi është përmendur edhe si objektiv i Napolit.