Pastrimi: Laje fytyrën mirë me produktin e tipit të lëkurës. Më pas vendos pak ujë në zjarr dhe lërë të vlojë. Hidh mbi të kamomil dhe bëj një avull për 5-7 minuta duke qëndruar sipër enës. Në fund fshije fytyrën me peshqir të butë. Në këtë moment, poret janë të hapura dhe pikat e zeza mund të pastrohen me një garzë të pastër.

Pastruesi natyror është shumë i domosdoshëm për lëkurën, sepse largon qelizat e vdekura. Për të arritur një gjë të tillë mjafton të përzieni kripë, sheqer dhe miell tërshëre me një vaj të përshtatshëm për llojin e lëkurës dhe pak mjaltë. Me përzierjen e përftuar, masazho fytyrën butësisht rreth 5 minuta.

Krem hidratant – pas avullit dhe pastruesit natyror, fytyra është gati për një maskë ushqyese ose për një krem hidratant sipas tipit të lëkurës. Zakonisht për lëkurat e ndjeshme dhe të thata këshillohet maska me kos.